London polisi Britaniyanın keçmiş baş naziri Boris Consonun (2019-2022) iqamətgahında mümkün koronavirus qaydalarının pozulması ilə bağlı yeni təhqiqata başlayır və əvvəllər apardıqları növbəti araşdırmanı bərpa edir.
Bu barədə çərşənbə axşamı Skotland-Yardın yaydığı məlumatda deyilir.
Bildirilir ki, baş nazir pandemiya zamanı öz iqamətgahında dostları ilə görüşlər təşkil edərək koronavirus məhdudiyyətlərini dəfələrlə pozub.
Öz növbəsində, sabiq hökumət başçısının nümayəndəsi bildirib ki, görüşlər o vaxt qüvvədə olan qanunvericiliyə uyğun keçirilib.
Qeyd edək ki, məhz bu və digər qalmaqallar vaxtilə Consonun baş nazir vəzifəsindən istefasına səbəb olub.
