İranın şərqində baş verən zəlzələ nəticəsində bir sıra yaşayış məntəqələrində zədələnmələr qeydə alınıb. Yeraltı təkanların gücü 5 bal olub və bu, əhalidə narahatlıq yaradıb.
Redaksiya məlumat verir ki, zəlzələnin episentri Rəzəvi Xorasan əyalətinin Roşthar rayonu olub. İran Milli Seysmologiya Mərkəzinin məlumatına görə, yeraltı təkanlar 10 kilometr dərinlikdə qeydə alınıb. Rəzəvi Xorasan əyalətinin Fövqəladə Hallar üzrə İdarəsindən verilən açıqlamada bildirilib ki, bəzi kəndlərdə kiçikmiqyaslı dağıntılar baş verib və zəlzələ nəticəsində 23 nəfər yüngül xəsarət alıb.
Hadisə yerinə operativ qruplar cəlb edilib, zərərçəkmişlərə yardım göstərilir. Zəlzələnin fəsadlarının aradan qaldırılması istiqamətində tədbirlər görülür. Yerli hakimiyyət orqanları və aidiyyəti qurumlar vəziyyəti nəzarətdə saxlayır.
Hazırda ərazidə təhlükəsizlik tədbirləri gücləndirilib, əhali arasında təşvişin qarşısını almaq üçün maarifləndirmə işləri aparılır. Zəlzələnin yaratdığı fəsadların tam miqyası və dəyən ziyanın dəqiq qiymətləndirilməsi üçün araşdırmalar davam etdirilir.
Hadisə ilə bağlı son məlumatlar ictimaiyyətə mütəmadi olaraq çatdırılacaq.
Sevinc Kərimova
