Rusiyanın Baytarlıq və Fitosanitar Nəzarət üzrə Federal Xidmətinin (“Rosselxoznadzor”) Moskva şəhəri, Moskva və Tula vilayətləri üzrə İdarəsi, bu ilin əvvəlindən Azərbaycandan idxal edilən 4 min tona yaxın təzə narın fitosanitar nəzarəti həyata keçirib.
Avtor.az bu barədə “Rosselxoznadzor”a istinadən xəbər verir.
Məlumata görə, qurum bununla bağlı ümumilikdə 200-dən çox nəqliyyat vasitəsini yoxlayıb.
Ümumrusiya Bitki Karantini Mərkəzinin (FGBU “VNIIKR”) mütəxəssisləri bütün məhsullar üzrəində laboratoriya sınaqları keçirib, məhsulların karantin fitosanitar tələblərə uyğunluğu təsdiqlənib.
