Futbol üzrə Azərbaycan Kubokunun yarımfinal mərhələsində “Turan Tovuz” klubu “Neftçi” ilə qarşılaşıb.
İlk qarşılaşmada 0:1 hesabı ilə uduzan Bakı klubu cavab görüşündə 2:0 hesabı ilə qalib gəlib.
Paytaxt klubunun oyunçuları Emin Mahmudov və Kenni Sayef 90+3 və 90+8-ci dəqiqədə fərqlənib və komandalarını finala daşıyıb.
Qeyd edək ki, “Neftçi”nin finaldakı rəqibi aprelin 27-də baş tutacaq “Səbail” – “Qəbələ” görüşündə müəyyənləşəcək. Azərbaycan Kubokunun final görüşü iyunun 3-də “Bakcell Arena”da təşkil olunacaq.
