Türkiyədə partiya binasında 23 yaşlı gəncə işgəncə verilib.
News24.az xəbər verir ki, hadisə Adanada yaşanıb.
Məlumata görə, Furkan Ç. noyabrın 27-də ailəsi tərəfindən xəsarətlərlə Çukurova Dövlət Xəstəxanasına aparılıb.
Xəstəxanada müalicə alan Furkan Ç-nin hər iki ayağının sındığı, dilində, qulağında və başında müxtəlif yaraların olduğu müəyyən edilib.
Zərərçəkənin ailəsi oğullarının noyabrın 26-da aldadılaraq aparıldığı “Ana Vətən Partiyası”nın mərkəz Seyhan mahalı Mithatpaşa Məhəlləsində yerləşən İl Başkanlığı binasında işgəncələrə məruz qalması iddiası ilə polisə müraciət edib.
Ailə həmçinin Furkan Ç-nin partiya binasından sonra Karasoku məhəlləsindəki ofisə aparıldığının, burada da işgəncələrə məruz qaldığını, 450 lirə ilə şəxsiyyət vəsiqəsinin oğurlandığını, hədə-qorxu ilə ondan 150 min lirə tələb edildiyini deyib.
Şübhəlilərin istədikləri pulu almaq üçün kəndirlə bağladıqları Furkan Ç-ni təpik, yumruq və çubuqla vurduqları, stepler ilə dilini, qulağını deşdikləri irəli sürülüb.
İşgəncə iddiası ilə saxlanılan, “Ana Vətən Partiyası”nın İl sədri Mehmet Üveyik də daxil olmaqla 7 şübhəlidən 5-i həbs edilib.
