“Rusiya bütün Ukraynanın işğalını planlaşdırır və paytaxt Kiyev onun əsas hədəfidir”.
Avtor.az CNN-ə istinadla xəbər verir ki, bunu Kiyev meri Vitali Kliçko Davosda Dünya İqtisadi Forumunun panel müzakirəsində deyib.
O, Rusiyanın Ukraynada xüsusi əməliyyat deyil, soyqırımı apardığını bildirib.
Kliçko vurğulayıb ki, Ukrayna yalnız öz suverenliyini deyil, digər həmfikir xalqları da müdafiə edir: “Biz sadəcə öz ailələrimizi müdafiə etmirik, biz sizin hamınızı müdafiə edirik. Biz sizi müdafiə edirik, çünki dəyərlərimiz eynidir”.
Kiyev meri digər liderləri Ukraynaya lazım olan müdafiə silahlarının göndərilməsi ilə bağlı sürətli qərarlar qəbul etməyə çağırıb.
