Zaporojye Atom Elektrik Stansiyasına (AES) xarici mənbədən verilən elektrik enerjisi kəsilib.
Bu barədə Atom Enerjisi üzrə Beynəlxalq Agentliyin (AEBA) baş direktoru Rafael Qrossi “Twitter”də bildirib.
“Zaporojye AES-dəki komandamız bu gün səhər mənə məlumat verdi ki, 5 gün ərzində ikinci dəfə stansiyaya xarici mənbədən enerji kəsilib. Onun ehtiyat dizel generatorları indi nüvə təhlükəsizliyi və təhlükəsizlik funksiyaları üçün elektrik enerjisi təmin edir”, – AEBA-nın baş direktoru deyib.
O əlavə edib ki, AES-in kənar enerjisinin dəfələrlə kəsilməsi dərin narahatlıq doğuran hadisədir: “Bu, ərazinin ətrafında nüvə təhlükəsizliyinə və mühafizə zonasına təcili ehtiyac olduğunu göstərir”.
