Ağdam Olimpiya İdman Kompleksi Qarabağ Regional Gənclər və İdman İdarəsinin və Azərbaycan Milli İdman Növləri Assosiasiyasının dəstəyi ilə Alpaqut döyüş sənəti üzrə “8 Noyabr – Zəfər Bayramı” həsr olunmuş Açıq Qarabağ Turniri keçirilmişdir.
Yarışda ümumilikdə 13 komandadan 171 idmançı öz gücünü sınayıb.
Yarışın açılış mərasimində Azərbaycan Alpaqut Federasiyasının Prezidenti Fuad Quliyev, Federasiyanın l vitse-prezidenti Mehman Səfərov, Ağdam rayon Gənclər və İdman sektorunun müdiri Anar Əsgərov, Vətən müharibəsinin qaziləri , şəhid ailələri iştirak etmişdir.
Yarışın keçirilməsində əsas məqsəd qarşıdan gələn ölkə çempionatına hazırlıq və idmançıların, hakimlərin peşəkarlıq səviyyəsini artırmaq olmuşdur.
