Avropa İttifaqının maliyyə dəstəyi, BMT-nin Əhali Fondunun (UNFPA) və BMT-nin Qadınlar Agentliyinin (UN Women) təşkilatçılığı və “Kişilər Gender Bərabərliyi Uğrunda – Men For Gender Equality” virtual platformasının dəstəyi ilə 27 iyulda “Çinar Kitab Evi”nin seminar zalında “Evlilik münasibətlərinə gender stereotiplərinin mənfi təsirləri” mövzusunda seminar keçirilib.
Seminarın əsas məqsədi kişilərin cəlbi və iştirakçılığı ilə cəmiyyətdə qız uşaqlarının dəyərinin təşviq edilməsi və onların öz potensiallarını reallaşdıra bilməsi üçün bərabər imkanların əhəmiyyətini təbliğ etməkdir.
Seminar zamanı ekspertlər – dinşünas Təbriz Qasımov və psixoloq Nuranə Məmmədova gender bərabərsizliyinə yol açan səbəblər və evlilik münasibətlərinə gender stereotiplərinin mənfi təsirləri mövzusunda danışıblar.
Seminar Avropa İttifaqının maliyyə dəstəyi ilə BMT-nin Əhali Fondu və BMT-nin Qadınlar Agentliyi tərəfindən həyata keçirilən “Avropa İttifaqı Gender Bərabərliyi naminə: birlikdə gender stereotiplərinə və gender əsaslı zorakılığa qarşı” proqramı çərçivəsində baş tutur.
