Gürcüstan xarici işlər naziri İlia Darçiaşvili və Moldova xarici işlər naziri Niku Popesku Praqada görüşüb.
Bu barədə Moldova XİN başçısı “Twitter”də bildirib.
“Bu gün biz islahatları davam etdirməyi, Aİ-yə inteqrasiya yolunda ortaq qətiyyətimizi və qeyri-sabit regionumuzdakı çağırışlarla necə səmərəli mübarizə aparacağımızı müzakirə etdik”, Popesku bildirib.
Qeyd edək ki, görüş Aİ XİN başçılarının Praqada qeyri-formal iclası çərçivəsində baş tutub.
