Çeçenistan parlamentinin keçmiş sədri Maqomed Daudov “Axmat” futbol klubunun prezidenti postundan istefa verdiyini açıqlayıb.
Avtor.az “Kommersant”a istinadla xəbər verir ki, onun yerinə respublika başçısı Ramzan Kadırovun oğlu Axmat təyin edilib.
“13 ilə yaxın rəhbərlik etdiyim klub prezidenti vəzifəsindən istefa verdim. Çeçenistan Respublikasının Bədən Tərbiyəsi və İdman Naziri Axmat Kadırovun klubun prezidenti seçilməsini təklif edib”, – Maqomed Daudov Telegram kanalında yazıb.
Axmat Kadırovun 18 yaşı var. Fevral ayından o, Çeçenistanda gənclərlə iş üzrə nazirdir. Mayın 21-dən isə o, respublikanın idman naziri təyin edilib.
Xatırladaq ki, mayın 15-də Maqomed Daudov Çeçenistan parlamentinin spikeri vəzifəsindən vaxtından əvvəl istefa verib. O, bu vəzifəni 2015-ci ildən tuturdu.
