Ölkədə vaksinasiya olunmuş şəxslərin yaş qrupları üzrə statistikası açıqlanıb.
Bu barədə Respublika Gigiyena və Epidemiologiya Mərkəzinin İmmunoprofilaktika şöbəsinin əməkdaşı Əlcəfər Cəfərov “Fəaliyyət üçün məlumat”: Effektiv strategiyaların işlənib hazırlanması yolu ilə COVID-19 vaksinlərinin geniş tətbiqinə nail olma” mövzusunda tədbirdə məlumat verib.
O bildirib ki, 65 və yuxarı yaş qrupunda vaksinasiyadan keçən əhalinin sayı 675961 nəfərdir: ‘Onlardan 407132 nəfəri I doza, 371771 nəfəri II doza, 272052 nəfəri “buster” doza vurdurub. 50-65 yaş aralığında vaksinasiyadan keçənlərin sayı 1911704 nəfərdir. Onlardan 1301622 nəfəri I doza, 1208724 nəfəri II doza, 889954 nəfəri isə “buster” doza vurdurub. 40-49 yaş aralığında olan 1310947 nəfər peyvənd olunub. Onlardan 892837 nəfəri I doza, 819806 nəfəri II doza, 542277 nəfəri isə “buster” doza vurdurub.
30-39 yaş aralığında olan vaksinasiyadan keçən şəxslərin sayı isə 1775285 nəfərdir. Onlardan 1200257 nəfəri I doza, 1088641 nəfəri II doza, 663151 nəfəri isə “buster” doza üzrə vaksinasiyadan keçib. 18-29 yaş aralığından vaksinasiyadan keçən əhalinin sayı isə 1810622 nəfərdir. Onlardan 12 63466 nəfəri I doza, 1109708 nəfəri II doza, 511 002 nəfəri isə “buster” doza vurdurub. 18 yaşdan aşağı vaksinasiyadan keçən əhalinin sayı isə 263 4614 nəfərdir. Onlardan 4933 nəfəri I doza, 2387 nəfəri II doza, 252 nəfəri isə “buster” doza vurdurub”.
İndiyədək vaksinasiyadan keçən əhalinin ümumi sayı isə 10 119 133 nəfərdir.
