Türkiyə Voleybol Federasiyası (TVF) Adıyamanda baş vermiş zəlzələ nəticəsində otelin dağıntıları altında qalmış Şimali Kipr voleybol komandasından 16 nəfərin öldüyünü açıqlayıb.
TVF-nin açıqlamasında “Adıyamanda otelin dağıntıları altından tapılan Şimali Kipr Voleybol Komandasının 16 üzvünün həyatını itirdiyini dərin hüznlə öyrəndik”,- deyə bildirilib.
Şimali Kiprin Baş Nazirliyi də Adıyamanda voleybol komandasının heyətində olan 16 nəfərin cansız bədəninin çıxarıldığını açıqlayıb.
