Nazirlik işçi axtarır

İqtisadiyyat
·
4e9ca92f ae33 4bd8 b896 68ad9faeb2a6.jpg
Çap 🖨

Kənd Təsərrüfatı Nazirliyi sistemində dövlət qulluğuna qəbul üçün müsabiqə üzrə müsahibə elanlarının B növü üzrə – 225 vakant vəzifə üzrə 233 yer, dövlət qulluğuna qəbul üçün müsabiqə üzrə müsahibə elanlarının A növü üzrə 79 vakant vəzifə üzrə 79 yer namizədlərin müraciətləri üçün 1 may 2023-cü il tarixdə Dövlət İmtahan Mərkəzinin rəsmi internet səhifəsində elana çıxarılıb.
Kənd Təsərrüfatı Nazirliyi informasiya texnologiyaları, aqrar sahədə ixtisas almış aqronom, bioloq, zooloq, baytar, torpaq üzrə mütəxəssis və zoomütəxəssisləri, maliyyə-təsərrüfat fəaliyyəti, texniki nəzarətin təşkili üzrə müvafiq ixtisası olan şəxsləri müsahibələrdə iştiraka dəvət edir.
Təqdim olunan vakant vəzifələr Kənd Təsərrüfatı Nazirliyinin Aparatı və strukturuna daxil olan qurumlar üzrə müəyyənləşib.
Müsahibə mərhələsi üzrə qeydiyyat 30 may 2023-cü il tarixinədək davam edəcək.
Müsabiqəyə təqdim olunmuş vakant vəzifələr üzrə vəzifə təlimatları, müsahibə proqramları ilə aşağıdakı keçidlər vasitəsilə tanış ola bilərsiniz:
https://exidmet.dim.gov.az/dqq/Elan/MsbMshElanList?ElanID=516
https://exidmet.dim.gov.az/dqq/Elan/MsbMshElanList?ElanID=517

Nazirlik işçi axtarır

İqtisadiyyat
·
RpjbWb2tQRajTuuKC6gQRxUlHzlCflyUVfF5Oi1E 1.png
Çap 🖨

Kənd Təsərrüfatı Nazirliyi yanında Aqrar Xidmətlər Agentliyi və Nazirliyin tabeliyində olan elmi-tədqiqat müəssisələrində 81 vakant yer üzrə işə qəbul elan edilib. Vakant yerlər haqqında məlumat Kənd Təsərrüfatı Nazirliyi tərəfindən yaradılmış “Aqrokadr.az” karyera portalında dərc edilib.

Toxumçuluq və bitki mühafizəsi üzrə aqronom, aqrokimyaçı, torpaqşünas, zootexnik və baytar həkimi ixtisasları üzrə təcrübə, təhsil, ixtisas, fərdi keyfiyyət tələbləri uyğun gələn şəxslər “aqrokadr.az” portalında yerləşdirilmiş vakansiyalarla tanış ola və sayt vasitəsilə aqrar sahə üzrə təqdim olunan iş yerləri ilə bağlı müraciət edə bilərlər.

Elana əsasən Aqrar Xidmətlər Agentliyinin tabeli qurumlarında olmaqla Göygöl, Quba, Sabirabad, Salyan, Şamaxı, Ucar, Bərdə, Beyləqan rayonları üzrə toxumçuluq üzrə aqronomlar, Abşeron, Bərdə, Füzuli, Cəlilabad, Göygöl, Hacıqabul, Xaçmaz, Kürdəmir, Lənkəran, Saatlı, Sabirabad, Şabran, Şəmkir, Yevlax rayonları üzrə bitki mühafizəsi üzrə aqronomlar, Ağsu, Ağdaş, Bərdə, Qəbələ, Oğuz, Xocalı, Cəbrayıl, Daşkəsən, Sabirabad, Qusar, Siyəzən, Hacıqabul, Xocavənd, Kürdəmir, Şamaxı, Salyan, Samux, Quba, Füzuli, Tovuz, Qobustan, Xızı, Masallı, Göyçay, Qazax, Şabran, Şirvan, Neftçala, Zərdab, Ucar rayonları üzrə baytar həkimlər, Bərdə, Göygöl, Lənkəran, Quba, Şəki, Tovuz, Laçın, Xocalı, Daşkəsən, Siyəzən, İmişli, Beyləqan, Qubadlı, Zəngilan, Şəmkir rayonları üzrə aqrokimyaçı və torpaqşünaslar, Quba, Kürdəmir, Gəncə və Şəki şəhəri üzrə zootexniklər işə qəbul olunacaqlar.

Qeyd edək ki, “aqrokadr.az” karyera portalı Kənd Təsərrüfatı Nazirliyi tərəfindən ötən ilin avqustunda ictimaiyyətə təqdim edilib. Portal iqtisadiyyatın və cəmiyyətin əsas hərəkətverici qüvvəsi olan insan kapitalının aqrar sahə üzrə potensialının müəyyən edilməsi və aqrar peşələrlə bağlı iş axtarışının stimullaşdırılmasını hədəfləyir. Portal üzərindən dövlət və özəl müəssisələrin birgə fəaliyyəti davam edir. Maraqlı şirkət və qurumlar “aqrokadr.az” saytında elanların yerləşdirilməsi və peşəkar kadrların cəlb edilməsi sahəsində əməkdaşlığa dəvət olunur.

DİGƏR XƏBƏRLƏR
2020 © Zeen World News