Azərbaycan Respublikasının Elm və Təhsil Nazirliyinin Təhsildə İnkişaf və İnnovasiyalar üzrə IX qrant müsabiqəsi çərçivəsində “Yeni imkanlar, yeni perspektivlər” layihəsinin icrasına başlanılıb.
Layihə çərçivəsində 8–11-ci sinif şagirdlərinin Çin dilində danışıq, oxu və yazı bacarıqlarının inkişaf etdirilməsi məqsədilə xüsusi təlim proqramı həyata keçirilir. Təlimlər interaktiv metodlarla təşkil olunur, şagirdlər qrup işi, praktiki tapşırıqlar və danışıq məşğələləri vasitəsilə nəzəri biliklərini tətbiq etmək imkanı qazanırlar.
Tədris prosesi şagirdlərin beynəlxalq ünsiyyət bacarıqlarının formalaşdırılmasına, multikultural mühitdə effektiv kommunikasiya səriştələrinin inkişafına və qlobal çağırışlara uyğun hazırlıq səviyyəsinin yüksəldilməsinə yönəlib. Eyni zamanda, xarici dilin öyrənilməsində motivasiyanın artırılması və davamlı inkişaf modelinin qurulması əsas prioritetlərdəndir.
Qeyd edək ki, layihə Əliyeva Leyla tərəfindən 317 nömrəli tam orta məktəbdə icra olunur. Layihənin məqsədi şagirdlərin xarici dil bacarıqlarını gücləndirməklə onların gələcək təhsil və karyera imkanlarını genişləndirmək, müasir dövrün tələblərinə uyğun kompetensiyalar formalaşdırmaqdır.
